Тошкент Шимолий вокзали яқинида уч автобус иштирокида юз берган авария катта тирбандликка сабаб бўлди

• Давоми: Тошкентда уч автобус эмас, Isuzu автобуси ва «Газель» микроавтобуси иштирокида ЙТҲ юз берган

Аварияга учраган автобусларнинг русумлари, йўналиш рақамлари ҳақида маълумот берилмаган. Хабарга илова қилинган суратларда битта Isuzu, икки Mercedes-Benz Conecto Low Floor автобуслари ҳамда тўхтаб турган «Газель» микроавтобусини кўриш мумкин.

Қайд этишларича, ЙТҲ Фарғона йўлига олиб чиқувчи кўчанинг бошида юз бергани ва ҳаракатни тўлиқ тўхтатиб қўйгани сабаб, Кичик ҳалқа йўли бўйлаб катта тирбандлик юзага келган. Фойдаланувчилар автобус ҳайдовчиларини кескин танқид остига олган.

«Бу — автобус ҳайдовчиларнинг бир-бири билан ўзаро пойга ўйнашига ёрқин мисолдир», — деб ёзади фойдаланувчилардан бири. «Қанчадан қанча одам манзилига кеч қолди, муҳими, ҳамма соғ-саломат бўлса бўлди», — деб қўшимча қилади бошқа бир фойдаланувчи.