GSMArena 21 февралда тақдим этилиб, 11 мартда АҚШда савдога чиқариладиган Samsung Galaxy S7 смартфонининг экрани ва камераси суратларини кўрсатди, деб ёзади «Hi-tech.mail.ru».
Суратда SM-G930F модель рақамли қурилмалар учун асосий камера матрицаси акс этган. Сертификат маълумотларига кўра, ушбу рақам айнан Samsung Galaxy S7’га тегишли. Янги камера орқа корпуснинг чап томонига кўчирилган, Galaxy S6’да у марказда жойлашган эди.
Иккинчи суратда эса смартфон экранини кўриш мумкин. Экран тепасига ёпиштирилган ёрлиқ бренд номини бекитиб турибди, бироқ дисплей пастидаги Home тугмаси ва катта клавишлар унинг Samsung Galaxy S сериясидаги маҳсулот эканлигидан далолат беради.
Изоҳ (0)