Бутунжаҳон бокс туркумининг (The World Series Boxing, WSB) янги мавсумида Ўзбекистон жамоаси ҳам иштирок этмоқда. Бу ҳақда «Оламспорт» хабар берди.
Uzbek Tigers, яъни «Ўзбек шерлари» номини олган жамоа қуръа натижасига кўра Қозоғистоннинг Astana Arlans, Озарбайжоннинг Azerbaijan Baku Fires ҳамда Пуэрто-Риконинг Puerto Rico Hurricanes жамоалари билан бирга «D» гуруҳидан ўрин олди.
24 январь, якшанба куни Ўзбекистон жамоаси Сан-Хуан шаҳрида Пуэрто-Рико боксчиларига қарши рингга кўтарилиб, 5:0 ҳисобида ғалаба қозонди. 49 кг вазн тоифасида Хасанбой Дўсматов, 56 кг вазнда Абдулхай Шорахматов, 64 кг вазн тоифасида Фазлиддин Мелибоев, 75 кг вазнда Улуғбек Хақбердиев ҳамда 91 кг вазн тоифасида Мирзобек Хасанов ўз рақибларини мағлубиятга учратиб, терма жамоага дебют жангда илк ғалабани тақдим этди.
«Ўзбек шерлари» навбатдаги учрашувни 5 февраль куни Боку шаҳрида Azerbaijan Baku Fires жамоасига қарши ўтказади. Тошкентдаги илк бокс оқшоми эса 26 февраль куни WSB йўналишининг амалдаги чемпиони Astana Arlans жамоасига қарши ташкил этилади.
Изоҳ (0)