Бир неча кун олдин Эроннинг «Персеполис» жамоасига ўтган Ўзбекистон миллий терма жамоаси дарвозабони Александр Лобанов форс клубида 55-рақам остида ўйнайди. Бу ҳақда клуб расмий сайтига таяниб, «Sports.uz» хабар бермоқда.
Ўзбекистонлик голкипер куни кеча янги клуби сафида дебют ўйинини ўтказишга ҳам улгурди. Шоҳада Кубоги доирасида ўтган баҳсда «Персеполис» «Сайпа» билан баҳс олиб борди. Ўйинда 3:2 ҳисобида «Персеполис» ғалабага эришди.
Эслатиб ўтамиз, «Персеполис»нинг асосий дарвозабони Соша Маканий паранжисиз аёллар билан суратга тушгани учун январь ойининг бошида ҳибсга олинган. Шундан сўнг Эрон клуби Лобанов билан ярим йиллик шартнома имзолади. Келишув яна бир йилга узайтирилиши мумкин.
Изоҳ (0)