24 январь куни АҚШ Миллий футбол лигаси доирасида New England Patriots ва Denver Broncos жамоалари ўртасида ўйин бўлиб ўтди. Матч интернет фойдаланувчилари хотирасида майдондаги ёрқин лаҳзалар билан бирга, Surface планшетларига алоқадор воқеа билан ҳам муҳрланиб қолди, деб ёзади TJournal.
Patriots жамоаси ўйинчилари фойдаланаётган Microsoft қурилмалари вақтинчалик ишламай қолди ва футболчилар орасида норозиликка сабаб бўлди. Ушбу планшетлар шифрланган тармоққа уланган бўлиб, фақат битта дастурни ишга тушира олади, унда футболчилар мураббийдан рақиб жамоа тактикаси ҳақида ахборот олиб туради.
Бироқ 24 январь куни қурилмалар айни ўйин чоғида ишламай қолди, носозликлар 20 дақиқача давом этди ва футболчиларнинг яхшигина жаҳлини чиқарди.
Broncos жамоасининг Surface планшетлари эса одатий режимда ишлашда давом этди, улар ўзларида кутилмаганда пайдо бўлган устунликдан фойдаланиб қолди.
Microsoft вакиллари ҳодисада уларнинг қурилмалари айбдор эмаслигини маълум қилди. Уларнинг таъкидлашича, носозлик планшет эмас, тармоққа уланиш билан боғлиқ бўлган.
Ушбу реклама кампанияси Microsoft’га 400 миллион долларга тушгани хабар қилинмоқда.
Изоҳ (0)