«Ўзбекистон почтаси» Акциядорлик жамияти томонидан тайёрланиб, Ўзбекистон Республикаси ахборот технологиялари ва коммуникацияларини ривожлантириш вазирлиги томонидан 2016 йил 15 январидан «Ҳисор давлат қўриқхонаси» туркуми муомалага чиқарилди. Бу ҳақда «Ўзбекистон почтаси» АЖ матбуот хизмати хабар бермоқда.
Туркум 4 та почта маркасидан ва 1 та почта блокидан иборат. Почта маркаларида Ҳисор давлат қўриқхонасида яшовчи ва Ўзбекистон Республикасининг Қизил китобига киритилган ноёб ҳайвонлар тасвирланган.
Почта блокида ўзбек тилида лотин графикасида «Ҳисор давлат қўриқхонаси» ёзуви жойлашган. Ҳайвонларнинг номлари лотин тилида берилган.
Почта маркалари ва почта блоки бир неча рангда ишланган. Офсет усулида босилган. Перфорацияси тароқсимон. Қоғози оқ силлиқ.
Почта маркаларнинг ўлчами 37х37 мм. Почта блокининг ўлчами 100х90 мм. Почта блокидаги почта маркаларининг ўлчами 37х37 мм.
Почта маркаларнинг адади 10 минг нусхада, почта блокининг адади 7 минг нусхада чиқарилди.
Изоҳ (0)