Термизда ҳаво ҳароратининг иссиқлиги бўйича 1963 йилги рекорд янгиланди

Термизда 24 январь куни ҳаво ҳарорати +19,9 даражагача кўтарилди. «Ўзгидромет» ахборотига кўра, бу кузатувларнинг 24 январь тарихи бўйича янги рекорд кўрсаткичдир.

Термиз шаҳрида бунгача 24 январдаги энг энг илиқ ҳаво 1963 йилда кузатилган, ўшанда ҳарорат 19,8 даражагача кўтарилган.

Қайд этиш жоиз, шаҳардаги энг совуқ 24 январь 2008 йилда қайд этилган — ҳаво ҳарорати -15,9 даражагача тушиб кетганди.

Маълумот учун, 24 январь куни Тошкент шаҳрида ҳаво ҳарорати +16,7 даражагача, Самарқанд шаҳрида +18,7 даражагача, Нукусда эса +12,5 даражагача кўтарилди.

Аввалроқ, 2016 йилнинг 9 январи Термиз тарихидаги энг иссиқ 9 январь бўлгани ҳақида хабар берилган эди. Шунингдек, Самарқанд, Нукус шаҳарларида ҳам янги рекорд кўрсаткичлар қайд этилди.

• Ўзбекистонлик синоптиклар қишдаги илиқ об-ҳаво сабабларини тушунтириб берди

• Январда баҳор: Ўзбекистондаги ноодатий илиқ ҳаво дарахт ва гулларни уйғотмоқда