26 январь куни бутун Ўзбекистон бўйлаб ёғингарчилик кузатилади

Ўзбекистоннинг барча ҳудудларида 26 январь, сешанба куни ёғингарчилик кузатилади. Бу ҳақда «Ўзгидромет» маркази хабар бермоқда.

Маълумот беришларича, 26 январь кунлари Бухоро, Навоий, Тошкент, Самарқанд, Жиззах, Сирдарё, Қашқадарё, Сурхондарё вилоятларида ва Тошкент шаҳрида ёмғир ёғади.

Қорақалпоғистон Республикаси ва Хоразм вилоятининг айрим жойларида, шунингдек, Ўзбекистоннинг тоғли ҳудудларида ёмғир қорга айланиши мумкин. Фарғона водийси вилоятларида эса 26 январь куни кечга томон ёмғир ёғади.

26 январга ўтар кечаси Қорақалпоғистон Республикаси ва Хоразм вилоятида -3 даражагача совуқ бўлади. Тошкент шаҳрида +3...+5 даража, Бухоро ва Навоий вилоятларида +2...+7 даража, қолган ҳудудларда ҳаво ҳарорати +5 даражагача илиқ бўлиши кутилмоқда.

26 январь куни кундузи Қорақалпоғистон Республикаси ва Хоразм вилоятида +2 даражагача, тоғли ҳудудларда +5 даражагача, Бухоро ва Навоий вилоятларида +10 даражагача, Тошкент шаҳрида +12 даражагача, Тошкент, Самарқанд, Жиззах, Сирдарё, Андижон, Наманган, Фарғона вилоятларида +15 даражагача, Сурхондарё ва Қашқадарё вилоятларида +16 даражагача илиқ бўлади.

Маълумот учун, Ўзбекистоннинг тоғ олди ҳудудларида 26—29 январь кунлари сел келиши, тоғли ҳудудларида эса 26—31 январь кунлари қор кўчиши хавфи бор.