Ўзбекистоннинг тоғли ҳудудларида 26—31 январь кунлари қор кўчиши хавфи бор. Бу ҳақда «Ўзгидромет» маркази хабар бермоқда.
Мамлакатнинг тоғли ҳудудларида қор кўчиши хавфи сўнгги бор 15 январь куни эълон қилинган ва 20 январгача амалда бўлганди.
Қайд этиш жоиз, 2015 йилнинг 28 декабридан 2016 йилнинг 20 январига қадар Ўзбекистоннинг тоғли ҳудудларида ҳар куни қор кўчиши хавфи мавжуд бўлди.
Ўтган давр мобайнида «Ўзгидромет» қор кўчиши хавфини эълон қилган кунларда Ўзбекистоннинг тоғли ҳудудларида қор кўчган-кўчмаганлиги тўғрисида ҳозирча расмий ахборот йўқ.
Изоҳ (0)