Самарқандда, фойдаланувчиларнинг сўзларига кўра, бир ойдан бери Wi-Fi’ли автобуслар йўналишларда қатнамоқда. Бу ҳақда Facebook’даги «Самарқанд ва самарқандликлар» гуруҳида хабар қолдирилган.
Эълонда: «Фақат бизда — 61-рақамли автобус йўловчилари учун Wi-Fi бепул», — деб ёзилган ва Telegram, Viber, WhatsApp, imo каби оммабоп мессенжерлар, Instagram, «Одноклассники» ижтimoий тармоқларининг логотиплари жойлаштирилган.
Сурат остида қолдирилган комментларга кўра, 61-автобус — Самарқанддаги машҳур ва қадимий йўналишлардан. Баъзи фойдаланувчилар бу автобусдаги интернет билан Skype’га уланиш мумкин-мумкин эмаслигига қизиққан. Аксарият фойдаланувчилар эса ушбу ташаббусни олқишлаган.
Facebook фойдаланувчиларида табиий савол туғилган: эълондаги суратда кўрсатилган автобус давлат рақами нима учун Тошкент шаҳриники? Самарқандликларнинг айтишича, шаҳардаги аксарият автобуслар Тошкент шаҳрида рўйхатдан ўтказилган, шу сабабли давлат рақамлари ҳам Тошкентники.
Изоҳ (0)