«Ўзбекистон почтаси» акциядорлик компанияси Тошкент вилояти Бекобод тумани Хос қишлоғида истиқомат қилувчи фуқарога пенсия тўловлари нима сабабдан кечикаётганини тушунтирди. Бу ҳақда «Даракчи» газетаси хабар бермоқда.
Маълум бўлишича, фуқаро 2015 йилнинг сўнгги ойларида пенсия пулларини вақтида ололмаган. «Ўзбекистон почтаси» акциядорлик жамияти мазкур ҳолатни ўрганиб чиққан, пенсионернинг октябрь ойи пенсия пули 12 ноябрь куни тўлиқ тўлаб берилган.
«Жавоб хатида пенсия тўловлари учун жойлардаги банк бўлимлари томонидан нақд пул маблағлари ўз вақтида берилмаётгани сабабли пенсия кечикиб тўланаётганлиги келтирилган», — дейилади газета хабарида.
«Ўзбекистон почтаси»нинг фуқарога йўллаган жавоб хати қуйидаги сўзлар билан якунланган: «Келтирилган ноқулайликлар учун Сиздан узр сўраймиз».
Изоҳ (0)