Хитойнинг Шиянь шаҳридаги касалхоналарнинг бирида шифокорлар озиб кетаётгани ва кўнгил айнишидан шикоят қилган мижозда олти метрли гижжа борлигини аниқлади. Бу ҳақда The New England Journal of Medicine манбаларига таяниб, «Корреспондент.net» хабар бермоқда.
38 ёшли эркакнинг айтишича, у икки йилдан бери қорнида доимий оғриқ сезиб келган ва анемиядан азият чеккан. Ўтказилган текширувлар ва олинган таҳлиллар унда лентасимон гижжа тухумлари борлигини кўрсатди.
Даволаш муолажалари ва дори-дармонлар қабулидан сўнг мижоз узунлиги 6,2 метр узунликдаги паразитдан халос бўлди. Шифокорлар унинг хом мол гўштини истеъмол қилишни ёқтиргани гижжа пайдо бўлишига сабаб эканлигини билдирмоқда.
Изоҳ (0)