Ҳиндистон ҳарбий-денгиз кучларининг 15,6 метр узунликдаги тутувчи катери бортида юз берган ёнғиндан сўнг, Ченнаи шаҳри соҳилларида чўкиб кетди. Бу ҳақда The Hindu нашри маълумотига таяниб, «РБК» хабар беради.
Унинг бортида олти киши бўлган, улардан ҳеч бири жабрланмаган.
Ҳиндистон ҳарбий-денгиз кучларининг вакили контр-адмирал Алок Бхатнагарнинг нашрга маълум қилишича, катерда ёнғин бошлангандан сўнг, унинг бортида бўлган одамлар катер яқинида сузиб юрган Ҳиндистоннинг ҳарбий кемасига сузиб ўтган.
Бхатнагарнинг сўзларига қараганда, олов катер корпусига сезиларли даражада зарар етказган ва экипажнинг ҳаракатларига қарамасдан, у чўкиб кетган. Ҳодиса юзасидан текширув ўтказилмоқда.
Изоҳ (0)