Россияда долларнинг биржа курси мутлақ янги рекордни ўрнатди

Москвадаги биржа савдолари чоғида доллар курси 1998 йилги инқироз давридан бери қайд этилган мутлақ янги рекордни ўрнатди. Бу ҳақда «Газета.ru» хабар бермоқда.

Савдолар чоғида доллар курси 80,179 рублга етган, бу бир кун аввалги савдоларнинг ёпилиш чоғидаги курсдан 1,618 рублга кўп.

Евро курси ҳам рублга нисбатан ўсишда давом этмоқда. Савдолар чоғида Европа валютаси 1,95 рублга ўсиб, 87,67 рублга етган.

Аввалроқ Россия президенти Владимир Путин рублнинг қадрсизланиши «янги имкониятлар» эшигини очишини таъкидлаган эди.