Гаитида Зика безгаги тарқалгани тасдиқланди

Гаити соғлиқни сақлаш вазири Флоранс Дюперваль Гийом мамлакатда Зика безгаги тарқалганини тасдиқлади. Жумладан, Дельмас муниципиясида битта, Петионвилда тўртта ҳолат қайд этилган, дея хабар беради «ТАСС».

Aedes Aegypti чивини орқали юқадиган инфекция ўта хавфли бўлиб, шифокорга вақтида мурожаат этилганда ўлимга олиб келмаслиги мумкин. Гаити Панамерика соғлиқни сақлаш ташкилоти Зика безгаги мавжудлигини тасдиқлаган 14-мамлакат бўлди. Бунгача вирус Бразилия, Колумбия, Сальвадор, Гватемала, Француз Гвианаси, Гондурас, Мартиника, Мексика, Панама, Пуэрто-Рико, Парагвай, Суринам ва Венесуэлада аниқланганди.