Шимолий Корея билан боғлиқ муаммо шу йил май ойида Япониянинг Миэ префектурасида бўлиб ўтадиган G7 саммити мавзуларидан бирига айланади. Бу ҳақда мамлакат бош вазири Синдзо Абэ Nikkei ва The Financial Times газеталарига берган интервьюсида маълум қилган, дея хабар беради «ТАСС».
«Бу дунё ҳаракатланиши лозим бўлган йўналишлар муҳокама этиладиган ва белгилаб бериладиган анжуман. Унда жаҳон иқтисодиётидаги беқарорлик, терроризм, КХДР, Яқин Шарқда рўй бераётган воқеалар, иқлим ўзгариши ва қашшоқлик каби мавзулар муҳокама этилишини истардим», — дея таъкидлаган Абэ.
Бош вазирнинг айтишича, Шимолий Корея янги ядро синовини ўтказганлигига жавобан қабул қилинадиган БМТ Хавфсизлик кенгашининг янги резолюциясига кескин чоралар киритилади ва Япония ҳам шундай руҳдаги чораларни жорий этади.
Изоҳ (0)