Тирик Ҳусан, 40 ёшдан кичик тожикларга тақиқланган Ҳаж зиёрати, тугамай қайта бошланган Эбола ва куннинг бошқа муҳим янгиликлари

15 январнинг муҳим янгиликлари — «Дарё»нинг кечки дайжестида.

1. 2015 йилнинг ёзида икки қизни уриб кетган автобус ҳайдовчисига амнистия қўлланилиб, озод этилди. «Биз суд ҳукмидан ҳайратдамиз. Айбдор жазосиз қолмоқда. Ота-оналар бу ҳукмни адолатсиз деб ҳисоблайди».

2. Серра-Леоне ҳукумати Эбола билан касалланиш ҳодисаси юз берганлигини тасдиқлади. 14 январь, пайшанба куни Бутунжаҳон соғлиқни сақлаш ташкилоти вакили Ғарбий Африкада Эбола эпидемиясининг тугаганлигини эълон қилганди.

3. Тошкентда «СувГео» илмий-тадқиқот институти биносида ёнғин чиққани хабар берилди. Тошкент шаҳридаги «Новза» метроси яқинида, Табиатни муҳофаза қилиш давлат қўмитасининг «СувГео» илмий-тадқиқот институтида ёнғин чиқди.

4. Тожикистоннинг 40 ёшгача бўлган фуқароларига ҳаж зиёратини амалга оширишга рухсат берилмайди. Шу тариқа биринчи навбатда катта ёшдаги фуқароларга ҳаж зиёратини амалга оширишга имкон берилади.

5. Ҳусан: Мени автоҳалокатда ўлдига чиқарганларга инсоф тилайман. «Охирги тўрт кун ичида қўл телефоним тинмаяпти. Ҳеч қандай автоҳалокатга учраганим йўқ, соппа-соғман», — деди хонанда.