Tirik Husan, 40 yoshdan kichik tojiklarga taqiqlangan Haj ziyorati, tugamay qayta boshlangan Ebola va kunning boshqa muhim yangiliklari

15-yanvarning muhim yangiliklari — “Daryo”ning kechki dayjestida.

1. 2015-yilning yozida ikki qizni urib ketgan avtobus haydovchisiga amnistiya qo‘llanilib, ozod etildi. “Biz sud hukmidan hayratdamiz. Aybdor jazosiz qolmoqda. Ota-onalar bu hukmni adolatsiz deb hisoblaydi”.

2. Syerra-Leone hukumati Ebola bilan kasallanish hodisasi yuz berganligini tasdiqladi. 14-yanvar, payshanba kuni Butunjahon sog‘liqni saqlash tashkiloti vakili G‘arbiy Afrikada Ebola epidemiyasining tugaganligini e’lon qilgandi.

3. Toshkentda “SuvGeo” ilmiy-tadqiqot instituti binosida yong‘in chiqqani xabar berildi. Toshkent shahridagi “Novza” metrosi yaqinida, Tabiatni muhofaza qilish davlat qo‘mitasining “SuvGeo” ilmiy-tadqiqot institutida yong‘in chiqdi.

4. Tojikistonning 40 yoshgacha bo‘lgan fuqarolariga haj ziyoratini amalga oshirishga ruxsat berilmaydi. Shu tariqa birinchi navbatda katta yoshdagi fuqarolarga haj ziyoratini amalga oshirishga imkon beriladi.

5. Husan: Meni avtohalokatda o‘ldiga chiqarganlarga insof tilayman. “Oxirgi to‘rt kun ichida qo‘l telefonim tinmayapti. Hech qanday avtohalokatga uchraganim yo‘q, soppa-sog‘man”, — dedi xonanda.