16 январь куни Ўзбекистонда ёғингарчилик кутилмайди, бироқ мамлакатнинг баъзи ҳудудларида ҳаво ҳарорати сезиларли пасаяди. Бу ҳақда «Ўзгидромет» ахборот бермоқда.
Маълум қилишларича, Қорақалпоғистон Республикаси ва Хоразм вилоятида ҳаво ҳарорати кечаси ва кундузи -2...+3 даражагача, Бухоро ва Навоий вилоятларида эса кечаси ва кундузи +2...+7 даражагача пасаяди. Тоғли ҳудудларда 16 январга ўтар кечаси -3...+2 даража, кундузи эса +2...+7 даража илиқ бўлади.
16 январга ўтар кечаси Фарғона водийси вилоятларида ҳаво ҳарорати 0 даражагача пасаяди, қолган ҳудудларда +2...+7 даража илиқ бўлади. 16 январь куни кундузи Тошкент шаҳрида +11...+13 даража, Фарғона водийсида +7...+12 даража, Тошкент, Сирдарё, Жиззах, Самарқанд, Қашқадарё, Сурхондарё вилоятларида +10...+15 даража илиқ бўлади.
Изоҳ (0)