«Тахтлар ўйини» сериали олтинчи мавсумининг биринчи серияси шу йил 24 апрель куни намойиш этилади. Бу ҳақда HBO телеканали Twitter орқали маълум қилган, дея хабар беради Meduza.
Жорж Мартиннинг «Муз ва олов қўшиғи» номли туркум романлари асосидаги сериал 2011 йилдан бери эфирга берилмоқда. «Тахтлар ўйини» телевидениедаги энг машҳур сериаллардан бўлиб, ноқонуний равишда кўчириб олишда ҳам етакчилик қилмоқда (2015 йили 14, 4 миллион марта).
Сериалнинг олтинчи мавсуми Жорж Мартин ёзиб бўлган китобларга асосланмаган, чунки ёзувчи олтинчи қисм бўйича ишларни ҳали якунлангани йўқ.
Изоҳ (0)