Лос-Анжелесда (АҚШ) People’s Choice Awards мукофоти 42-бор ўз эгаларига топширилди. Бу ҳақда People’s Choice хабар бермоқда.
«Севимли фильм» ҳамда «Энг яхши экшн-фильм» номинацияларида «Форсаж 7» ғолиб чиқди, «Марслик» эса энг яхши драма деб топилди. Ченнинг Татум «Суюкли актёр», Сандра Буллок эса «Севимли актриса» сифатида эътироф этилди. Жонни Депп қиёси йўқ драматик актёр деб тан олинди.
Телешоулар орасида номинациялар борасида «Катта портлаш назарияси» етакчилик қилди. Эд Ширан севимли қўшиқчи, Тейлор Свифт хонанда, Fifth Harmony эса гуруҳ деб топилди.
People’s Choice Awards мухлислар овоз бериш натижаларига кўра поп-маданият вакилларига бериладиган нуфузли мукофот бўлиб, 1975 йилдан бери тақдим этиб келинади.
Изоҳ (0)