Кимёвий қуролни тақиқлаш ташкилоти (КҚТТ) экспертлари Сурияда зарин ёки унга ўхшаш заҳарли газни қўллаш белгиларини аниқлади, дея хабар бермоқда «Корреспондент.net» КҚТТ ойлик маърузасига таяниб.
Мутахассислар Сурияда заҳарли моддаларни қўллаш билан боғлиқ 11 та эҳтимолий ҳодисаларни ўрганиб, шундай хулосага келган. «Шундай ҳолатлардан бирида баъзи қон намуналари таҳлили одамлар зарин ёки унга ўхшаш модда таъсирига учраганини кўрсатди», — дейилади маърузада.
КҚТТ мутахассислари таъкидлашича, «бундай таъсир қачон ва қандай вазиятларда амалга ошган бўлиши мумкинлигини аниқлаш учун» чуқурроқ текширув олиб бориш керак бўлади.
Нашр эслатишича, аввалроқ КҚТТ Суриянинг кимёвий қуроли АҚШдаги заводда тўлиқ йўқ қилингани хабар берган эди.
Изоҳ (0)