Тожикистон президенти Эмомали Раҳмон Саудия Арабистонига расмий ташрифи доирасида Маккани зиёрат қилди, дея хабар бермоқда «Азия-Плюс». У ерда президент рафиқаси, фарзандлари ва қариндошлари билан умра ҳажини амалга оширди.
Давлат раҳбари матбуот хизмати маълум қилишича, Эмомали Раҳмон, унинг рафиқаси, фарзандлари ва қариндошлари Каъбани етти марта айланиб, икки ракаат намоз ўқиган. Дуо ўқиётиб, Тожикистон етакчиси ўз мамлакати ва халқига эсон-омонлик тилади.
Нашр эслатишича, Эмомали Раҳмон ҳаж зиёратини тўртинчи марта амалга оширмоқда.
Эслатиб ўтамиз, Тожикистон президенти Эмомали Раҳмон 25 декабрь куни «Тинчлик ва ҳамжиҳатлик асосчиси — Миллат етакчиси тўғрисида»ги қонунни имзолаган ва шу тариқа, у бир умрга Тожикистон миллати етакчиси деб эълон қилинган эди.
Изоҳ (0)