Ҳиндистон шимолидаги авиабазага ҳужум уюштирган жангарилар, уларни сиқиб чиқаришга қаратилган ва 14 соат давом этган операция натижасида йўқ қилинди. Бу ҳақда маҳаллий полиция ходимлари берган маълумотларга асосан «Интерфакс» хабар қилмоқда.
Тўрт нафар террорчининг барчаси ҳалок бўлди.
Жангарилар гуруҳи Ҳиндистоннинг Покистон билан чегараси яқинида, Панжоб штатида жойлашган Патханкот авиация базасига ҳужум қилган бўлиб, улар орасида Ҳиндистон ҳарбий кучларининг формасини кийиб олганлар ҳам бўлган.
Ғарб ОАВлари ҳиндистонлик ҳарбийлардан ҳам қурбонлар бўлгани ҳақида хабар берган бўлса-да, полиция бу маълумотларни тасдиқламади.
Изоҳ (0)