АҚШнинг Флорида штатида яшовчи 31 ёшли Жеймс Дирман 6 ёшли ўғлини видеоўйин туфайли ўлдириб қўйди. Ҳодиса Рождество байрами арафасида рўй берди, дея хабар қилади Sky News.
Қўлга олинганнинг маъшуқаси полицияга маълум қилишича, видеоўйин билан машғул бўлган Дирман икки ўғлини ухлагани жўнатади, аммо улар шовқин қилишда давом этади. Шунда ота болаларини жазолаш учун уларни девор ёнига турғизиб қўйиб, ўгирилишни буюради. Бироқ болаларнинг кичиги у қандай ўйнаётганини кузатаётганини пайқаган Дирман ғазабга минади.
У ўғлини диванга ётқизиб, юзига ёстиқ бостириб, устига ўтириб олади. Жеймс ўғлининг нафас ололмаётгани ҳақидаги қичқириғига ҳам парво қилмай, ўйин ўйнашда давом этади. Буларнинг бари унинг акаси кўз ўнгида рўй беради.
Жуфтлик бола нафас олмаётганини сезгач, қутқарув хизматига қўнғироқ қилади, аммо улар етиб келгач ўлим ҳолатини қайд этади, холос. Юз берган ҳодисани ўрганаётган полициячилар мазкур воқеадан даҳшатга тушди. Округ шерифи ушбу қотилликни «ўта разил жиноят» деб атади. Айни пайтда Жеймс Дирман қамоқхонада суд ҳукмини кутмоқда.
Изоҳ (0)