Бразилия шимоли-шарқидаги Сеара штати трассаларидан бирида 2 январь, шанба куни рўй берган йўл-транспорт ҳодисасида 7 киши ҳалок бўлди, 11 киши жароҳат олган. Бу ҳақда «ТАСС» хабар бермоқда.
Globo телеканалининг маълум қилишича, енгил автомобиль ҳайдовчиси кўзда тутилмаган жойда машинани қувиб ўтишга ҳаракат қилиб, қарама-қарши йўлдан келаётган микроавтобус билан тўқнашиб кетган.
Енгил автомобилда бўлган беш киши ҳодиса жойида ҳалок бўлди. Микроавтобусда кетаётган она-бола ҳам нобуд бўлган. 11 нафар яраланган йўловчидан тўрт нафарининг ҳолати оғир эканлиги айтилмоқда.
Изоҳ (0)