Эрон парламенти — мажлис нуфузли шиа уламоси, оятуллоҳ Нимр ан-Нимр қатл этилгани туфайли мамлакат ташқи ишлар вазирлигини Саудия Арабистони билан дипломатик муносабатлар даражасини пасайтиришга чақирди. Бу ҳақда «ТАСС» хабар бермоқда.
«Мажлиснинг хавфсизлик ва ташқи сиёсат бўйича комиссияси Эрон ТИВга Саудия Арабистони билан муносабатлар даражасини пасайтириш даъват этилган мактуб йўллади. Комиссия, шунингдек, Саудиянинг Теҳрондаги элчихонаси ходимлари сонини қисқартиришни таклиф этган», — дейилади IRNA агентлиги хабарида.
Эслатиб ўтамиз, олдинроқ Теҳронда намойишчилар Саудия Арабистони элчихонасига бостириб кириб, жиҳозларни синдиргани ва ўт қўйишга урингани ҳақида хабар берилганди.
Изоҳ (0)