Гватемаланинг Исабаль департаментидаги Пуэрто-Барриос қамоқхонасида исён рўй берди. Бунинг оқибатида 8 нафар маҳбус ҳалок бўлди, 24 киши жабрланди, дея хабар беради «Корреспондент.net».
«Пуэрто-Барриос қамоқхонасидаги ҳодиса қочишга уриниш туфайли содир бўлди. Бу ҳаракатнинг олди олинди», — дейилади мамлакат озодликдан маҳрум этиш муассасалари бошқармаси хабарида.
Жиноятчилар девордан очилган тешик орқали қочмоқчи бўлган. Воқеа жойига келган ўт ўчирувчилар қамоқхона ҳудудидаги бир неча жойда ёнғинни бартараф этган. Айни пайтда муассасадаги вазият назорат остида эканлиги айтилмоқда.
Изоҳ (0)