Ўзбекистон Республикаси Президенти Ислом Каримов 2015 йил 31 декабрь куни Ўзбекистон футбол федерациясининг халқаро тоифадаги ҳаками, ФИФА рефериси Равшан Эрматовни «Буюк хизматлари учун» ордени билан мукофотлаш тўғрисидаги фармонга имзо чекди. Бу ҳақда ЎзА хабар бермоқда.
Фармонда Равшан Эрматов мамлакатнинг спорт соҳасидаги шон-шуҳратини юксалтириш, халқаро майдонда ўзбек футболи нуфузини ошириш, миллий футбол ҳакамлари мактабини ривожлантириш борасидаги катта хизматлари учун мазкур орден билан тадирлангани билдирилган.
Эслатиб ўтамиз, олдинроқ Осиёнинг беш карра энг яхши рефериси ҳисобланган Эрматов Globe Soccer Awards талқини бўйича 2015 йилнинг энг яхши ҳаками деб топилгани ҳақида хабар берилганди.
Изоҳ (0)