Хитойда «бир оилага — бир фарзанд» сиёсатини расман бекор қилувчи қонун қабул қилинди. Бу ҳақда «Синьхуа» агентлигига таяниб, Meduza хабар бермоқда.
Қонун 2016 йил 1 январдан кучга киради. Хитойдаги барча оилаларга иккита фарзандли бўлишга рухсат этилади.
«Бир оилага — бир фарзанд» сиёсатидан воз кечиш ҳақида Хитой раҳбарияти 2015 йил октябрь ойида биринчи марта маълум қилганди.
Хитой аҳолисининг сони 1,3 миллиарддан ортиқ. Мамлакатда 70-йиллардан бошлаб «бир оилага — бир фарзанд» сиёсати юритиб келинади. Амалда мазкур қоида сўнгги йилларда аҳолининг учдан бирига нисбатан қўлланилаётган эди.
Мамлакатда фақат миллий озчилик вакилларига (эр-хотин ўз ота-оналарининг ягона фарзандлари бўлса), шунингдек, қишлоқ жойларда истиқомат қиладиган ва биринчи фарзанди қиз бўлган кўплаб оилаларга биттадан ортиқ бола орттиришга рухсат бериларди.
Хитойдаги туғилишни чеклаш сиёсати оқибатида сўнгги йилларда мамлакатда меҳнатга лаёқатли аҳоли сони қисқарди.
Изоҳ (0)