Чикаго полициячилари (АҚШ) беш боланинг онаси, қора танли 55 ёшли Бетти Жонсни тасодифан отиб қўйди. Бу ҳақда 26 декабрь, шанба куни ҳуқуқ-тартибот идоралари расмий вакиллари маълум қилди, дея хабар беради «ТАСС».
Полиция чақириқ бўйича, 19 ёшли қора танли Куинтино Легирни тинчлантириш учун келганда у ҳуқуқ-тартибот ходимларига бейсбол таёғи билан ташланади. Полициячилар Легирга қарата ўт очади ва шу аснода унинг қўшниси бўлган Жонсга ҳам тасодифан ўқ тегади. Бу қандай рўй берганига аниқлик киритилмаган.
Легир ва Жонс олган жароҳатлари оқибатида касалхонада вафот этди. Полиция баёнотида «55 ёшли аёлга янглишиб ўқ теккан, у фожиали ҳалок бўлди» дея таъкидланади ва Жонснинг оиласи ҳамда дўстларига ҳамдардлик билдирилади.
Изоҳ (0)