«Жайш ал-Ислом» гуруҳи 25 декабрь, жума куни Дамашқ яқинида ўлдирилган етакчиси Захран Аллуш ўрнига янги раҳбар сайлади. «Ал Маядин» телеканалининг маълум қилишича, Аллуш ўрнини Абу Химам Буядан эгаллаган. Бу ҳақда «ТАСС» хабар бермоқда.
Дамашқдан 12 километр узоқликда бўлган Дума шаҳри атрофидаги Отая аҳоли пунктида жойлашган жангарилар штабига уюштирилган авиаҳужумлар натижасида жами 90 нафар жангари ўлдирилган ва жароҳат олган. Аллушдан ташқари, яна бир жангари гуруҳ — «Фейлак Раҳмон» қўмондони Абдулносир Шамир ҳам йўқ қилинган.
Дамашқда Аллушнинг ўлдирилгани тасдиқланди. Сурия қуролли кучлари вакили, бригада генерали Али Мейхуб «хавфли террорчининг манзили тўғрисида фуқаролардан аниқ маълумот келиб тушгани, ракета зарбалари ёрдамида душман штаби тўлиқ йўқ қилингани»ни маълум этди.
Изоҳ (0)