«Чеченнефтехимпром» корхонасини Чеченистон Республикасига бериш масаласи ҳукумат даражасида ўрганиб чиқилади. Бу ҳақда Россия президенти матбуот котиби Дмитрий Песков маълум қилди, деб ёзади «РБК».
«Бу мавзу ҳукуматда ўрганиб чиқилади. Ҳозирча бу саволни қўйишга эрта», — деди у ва вазирлар маҳкамаси позицияси аниқ бўлгачгина, «бирон нарса ҳақида гапириш мумкин бўлиши»ни айтди.
Аввалроқ Владимир Путин Чеченистон раҳбари Рамзан Қодировнинг республикага унинг иккита энг йирик нефть қазиб чиқарувчи активларидан бири — «Чеченнефтехимпром»ни бериб юбориш таклифини қўллаб-қувватлагани хабар берилган эди. Ушбу маълумотни иқтисодий ривожланиш вазирлиги тасдиқлади ва мазкур масала бўйича ҳужжатлар ҳукумат томонидан кўриб чиқилаётганини таъкидлади.
Изоҳ (0)