Украина парламенти мамлакат ҳукуматига бошқа давлатлар томонидан камситилувчи, дўстона бўлмаган ҳаракатларга нисбатан савдо санкциялари ва бошқа чекловчи чоралар қўллашга рухсат берди. Бу ҳақда Meduza хабар бермоқда.
Мазкур қонун лойиҳасини тақдим этган Украина бош вазири Арсений Яценюк унинг қабул қилиниши Россия жорий этган санкцияларга қарши чоралар кўриш учун зарурлигини таъкидлади.
Россия 2016 йил 1 январдан бошлаб бир қатор Украина маҳсулотлари импортига тақиқ ўрнатмоқда. Улар қаторига гўшт, сут, мева-сабзавотлар, ёнғоқ, балиқ ва балиқ маҳсулотлари киритилган. Шунингдек, ушбу санадан эътиборан Россия ва Украина ўртасида эркин савдо ҳудуди бўйича шартнома амал қилиши тўхтатилади.
Изоҳ (0)