Саудия Арабистони оммавий ахборот воситаларининг хабар беришича, 2015 йилги Ҳаж мавсумида Мино водийсида рўй берган мудҳиш ҳодисадан сўнг, Саудия Арабистони Ҳаж ишлари вазирлиги зиёратчиларни жойлаштириш ва уларга хизмат кўрсатиш бўйича махсус кўрсатма ишлаб чиқди. Бу ҳақда Ўзбекистон мусулмонлари идораси матбуот хизмати хабар қилмоқда.
Шунингдек, зиёратчиларга хизмат кўрсатувчи ширкатларга рухсатнома (лицензия) бериш тартиби йўлга қўйилди. Унга кўра, ҳар бир ширкат Ҳаж ишлари вазирлиги ва тегишли идоралардан бир нечта рухсатнома олиши лозим.
Агар ҳожиларни Макка ва Мадинадаги талабга жавоб бермайдиган меҳмонхоналарга жойлаштириш ҳолатлари кузатилса, Вазирлик зиёратчиларни бошқа меҳмонхоналарга жойлаштиради ва харажатлар ширкат томонидан ундирилади.
ОАВ маълумотларига кўра, 24 сентябрь куни Макка яқинидаги Мино водийсида зиёратчиларнинг тўпланиб қолиши оқибатида юзага келган тиқилинч туфайли 2100 киши ҳалок бўлган. Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита ҳодиса қурбонлари ва жабрланувчилари орасида Ўзбекистон фуқаролари йўқлигини маълум қилган.
Изоҳ (0)