Астроном Стюарт Грей (Буюк Британия Қироллик жамияти) инсоният томонидан Ер атрофи кенгликларининг ифлослантирилиши жараёни акс эттирилган бир дақиқалик видеолавҳани тайёрлади. Бу ҳақда «Сегодня.ua» хабар бермоқда.
Бу борадаги биринчилик 1957 йилда Ернинг илк сунъий йўлдошини учирган Совет Иттифоқига тегишли: мазкур қурилмани орбитага олиб чиққан ракета бўлаги коинотдаги биринчи чиқинди бўлган. Кейинчалик СССРдан эстафетани Explorer 1 коинот аппаратини учирган АҚШ қабул қилиб олди. Юрий Гагариннинг парвози (1961 йил) пайтига келиб коинотда инсон фаолияти маҳсули бўлган 200 та чиқинди объекти тўпланганди, 1980 йилга келиб уларнинг сони 500 тага етди.
2007 йилгача Ер обитасида 7000 та йирик бўлаклар қайд этилган. Хитой томонидан кинетик тўп синовдан ўтказилган ва Хитой метереологик сунъий йўлдоши уриб туширилганидан сўнг ушбу кўрсаткичга яна 2000 та қўшилди.
Бугунги кунга келиб Ер орбитасида бўлган 20 мингга яқин коинот қурилмаси парчалари маълум. Улар қиммат турадиган сунъий йўлдошлар ва Халқаро коинот станциясига (ХКС) парвоз қилаётган кемалар учун жиддий хавф туғдиради.
Изоҳ (0)