Россия Тергов қўмитаси вакили Владимир Маркин суд ЮКОСнинг собиқ раҳбари Михаил Ходорковскийни сиртдан ҳибсга олганлигини маълум қилди. Бу ҳақда «Газета.ru» хабар беради.
«Суд Россия Тергов қўмитасининг алоҳида муҳим ишларни тергов қилиш бошқармасининг илтимосномасини кўриб чиқиб, Михаил Ходорковскийга нисбатан сиртдан ҳибсга олиш ҳақидаги жазо чорасини тайинлади», — дейилади расмий хабар матнида.
Эслатиб ўтамиз, Россия Тергов қўмитаси тадбиркор Михаил Ходорковскийни Нефтеюганск мери Владимир Петухов қотиллигини ташкиллаштиришда сиртдан айблаган эди.
Изоҳ (0)