Евроиттифоқ Россияга нисбатан иқтисодий санкцияларни 2016 йил 31 июлга қадар расман узайтирди. Мазкур қарор 18 декабрь, жума куни ЕИга аъзо давлатлар доимий вакиллари йиғилишида маъқулланганидан сўнг 21 декабрь, душанба куни ёзма тартибда келишиб олинди, дея хабар беради «Газета.ru».
«2015 йил 21 декабрь куни Кенгаш ЕИнинг Россияга қарши иқтисодий санкцияларини 2016 йил 31 июлга қадар узайтирди», — дейилади ЕИ Кенгаши баёнотида. Баёнотда санкцияларни узайтириш тўғрисидаги қарор Украина бўҳронига барҳам бериш бўйича Минск келишувлари 2015 йил 31 декабрига қадар тўлиқ бажарилмаслигидан келиб чиқиб қабул қилингани таъкидланган.
Санкциялар молия, энергетика ва хавфсизлик соҳаларидаги чекловларни назарда тутади.
Изоҳ (0)