Озарбайжон президенти Илҳом Алиев ва Арманистон раҳбари Серж Саргсян сўнгги йил мобайнида биринчи марта ўтказилган музокаралар чоғида Тоғли Қорабоғдаги можаро ҳудудида кескинликнинг кучайиши оқибатида одамлар нобуд бўлганидан хавотир билдирди ҳамда Минск гуруҳининг хавф-хатарлар олдини олиш, жумладан, нохуш ҳодисаларни текшириш механизмини жорий этиш бўйича ташаббусини қўллаб-қувватлади. Бу ҳақда «РИА Новости» хабар бермоқда.
Икки давлат етакчиларининг учрашуви Тоғли Қорабоғ муаммосини бартараф этиш бўйича музокаралар жараёни доирасида 19 декабрь, шанба куни Швейцария пойтахти Бернда бўлиб ўтди. Музокаралар Европада хавфсизлик ва ҳамкорлик ташкилоти (ЕХҲТ) Минск гуруҳи ҳамраислари Игорь Попов (Россия), Жеймс Уорлик (АҚШ), Пьер Андрио (Франция) ва ЕХҲТ раисининг шахсий вакили Анжей Каспршик воситачилигида ташкиллаштирилди.
Изоҳ (0)