Чимкентлик Дария ва Еркебулан Жолдасовлар дабдабали тўй маросими ўрнига 300 кишилик ош тарқатди. Шаҳарликлар аввалига палов бепул эканлигига ишонмади, кейин эса мазали таомга навбат пайдо бўлди. Бу ҳақда «Радиоточка» хабар бермоқда.
«Келин-куёв тўй учун одатда кўп пул сарфлайди. Автомобиллар ижарасини ўзи қанчага тушади. Бу пулларни ҳавога совуриш билан баробар. Биз юзлаб одамларни овқатлантиришни маъқул топдик», — дея таъкидлайди Еркебулан Жолдасов.
Бу Чимкентда тўй маросими учун мўлжалланган маблағ хайрия мақсадларида сарфланаётган биринчи ҳолат эмас. Бир неча ҳафта аввал Меирман ва Сания Сауранбек болаларни мослаштириш марказида тўй ўтказди: келин-куёв марказ тарбияланувчилари учун дастурхон ёзди.
Изоҳ (0)