Калифорниянинг (АҚШ) Фресно шаҳридаги Applebee's кафеси официанти мижозлар унутиб қолдирган 32 минг долларни эгаларига қайтарди. Бу ҳақда «Газета.ru» хабар бермоқда.
Эрика Гонзалес ва унинг ойиси Берта банкка йирик миқдордаги пул қўйишни режалаштиради, бироқ у ерда сейф бўлмагани учун банкни тарк этиб, ичида 32 минг доллар бўлган сумка билан тушлик қилиш учун кафега киради. Кечки пайтга келибгина аёллар сумкани қаердадир қолдирганини эслайди ва полицияга мурожаат этади. Полицияга эса официант сумкани топиб олган ва раҳбариятга топширган Applebee's кафеси вакиллари қўнғироқ қилиб, топилма ҳақида хабар беради.
Кафе ходими исмини ошкор этмасликларини сўрагани ва мукофотдан воз кечгани айтилмоқда. Унутиб қолдирилган пуллар унинг йил давомида ишлаб топадиган маоши билан тенг экан.
Изоҳ (0)