Европа Иттифоқи томонидан Россия Федерациясига нисбатан жорий этилган санкцияларнинг амал қилиш муддати узайтирилди. Бу ҳақда Reuters берган маълумотларга асосан «Газета.ru» хабар қилмоқда.
Россиялик расмийлар ва фуқароларга нисбатан қўлланилган санкциялар, шунингдек, молия, энергетика ва хавфсизлик доирасидаги санкцион чекловлар 2016 йил июль ойигача узайтирилди.
Қабул қилинган ҳужжат, агар Европа Иттифоқи аъзоларининг бирортаси ўзининг қарорини ўзгартирмаса, 21 декабрь, душанба куни кучга киради.
Европа Кенгаши раҳбари Дональд Туск, Евроиттифоқнинг иқтисодий санкциялари Украина бўйича қабул қилинган Минск келишувларида белгиланган халқаро мажбуриятларнинг тўлиқ ижро этилиши билан узвий боғлиқ бўлиб туришини маълум қилган.
Изоҳ (0)