Yevropa Ittifoqi Rossiyaga qarshi joriy etgan sanksiyalarini uzaytirdi
Yevropa Ittifoqi tomonidan Rossiya Federatsiyasiga nisbatan joriy etilgan sanksiyalarning amal qilish muddati uzaytirildi. Bu haqda Reuters bergan ma’lumotlarga asosan “Gazeta.ru” xabar qilmoqda.
Rossiyalik rasmiylar va fuqarolarga nisbatan qo‘llanilgan sanksiyalar, shuningdek, moliya, energetika va xavfsizlik doirasidagi sanksion cheklovlar 2016-yil iyul oyigacha uzaytirildi.
Qabul qilingan hujjat, agar Yevropa Ittifoqi a’zolarining birortasi o‘zining qarorini o‘zgartirmasa, 21-dekabr, dushanba kuni kuchga kiradi.
Yevropa Kengashi rahbari Donald Tusk, Yevroittifoqning iqtisodiy sanksiyalari Ukraina bo‘yicha qabul qilingan Minsk kelishuvlarida belgilangan xalqaro majburiyatlarning to‘liq ijro etilishi bilan uzviy bog‘liq bo‘lib turishini ma’lum qilgan.
