Туркия уриб туширган Су-24 «қора қути»ларини расшифровка қилиш бошланди

Россия Федерацияси Мудофаа вазирлиги матбуот хизматининг маълум қилишича, Сурияда уриб туширилган Су-24М «қора қути»ларини расшифровка қилиш бошланди. Бу ҳақда «ТАСС» хабар беради.

«18 декабрь 10:00 да (Тошкент вақти билан 12:00) Давлатлараро авиация қўмитасида 2015 йилнинг 24 ноябрь куни Туркия Ҳарбий-ҳаво кучлари томонидан Сурия осмонида уриб туширилган Су-24М самолётининг объектив назорат қилиш бўйича борт воситалари маълумотларини дешифровка қилиш жараёнининг бошланиши муносабати билан Россия Мудофаа вазирлиги вакилларининг брифинги бўлиб ўтади», — дейилади хабарда.

Эслатиб ўтамиз, Россия президенти Владимир Путин британиялик мутахассисларни Туркия томонидан уриб туширилган Су-24 самолётига тегишли «қора қути» ёзувларини ўрганишда иштирок этишга таклиф қилган эди.