Рамзан Қодиров Путиннинг матбуот анжуманида берилган саволларга муносабатини минтақа раҳбарлари учун ўрнак деб атади

Чеченистон раҳбари Рамзан Қодиров «ВKонтакте» ижтимоий тармоғидаги саҳифасида Россия президенти Владимир Путиннинг матбуот анжуманида унга берилган саволларга муносабатини минтақа раҳбарлари учун ўрнак деб атади. Бу ҳақда «Газета.ru» хабар бермоқда.

«Президент АҚШ, Евроиттифоқ, дунёдаги бошқа давлатлар билан мулоқотга тайёр эканлигини билдирди. Грузия билан муносабатларга тўхталар экан, уларнинг ёмонлашувида айбдор эмаслигимиз, шу билан бирга, грузин товарларини импорт қилаётганимиз, виза тартибини бекор этиш тарафдори эканлигимизни эслатиб ўтди. Федерация субъектлари раҳбарлари лавозимининг номланиши ҳақида сўз кетганда чечен халқини ҳурмат билан тилга олганини эшитиш ёқимли бўлди», — дея таъкидлаган Қодиров.