Тошкентнинг Алишер Навоий ва Амир Темур кўчалари кесишган чорраҳа яқинида Mercedes-Benz Conecto Лоw Флоор йўловчи автобусида ёнғин келиб чиқди. Facebook’даги «Водители Ташкента» гуруҳида қолдирилган хабарларга кўра, автобуснинг йўналиш рақами 53 бўлган.
Автобусдаги ёнғин 17 декабрь, пайшанба куни тонгга соат 7:30—7:45 атрофида юз берган. Гуруҳда соат 7:51 да қолдирилган хабарга кўра, автобусдаги оловни ёнғин хавфсизлиги хизмати ходимлари ўчиришга киришган эди.
Ёнғин ҳақидаги хабарга илова қилинган фотосуратларда ўт ўчириш хизмати машиналари ва ходимларини ҳам кўриш мумкин. Автобус ёнаётган вақтда унинг ёнида Алишер Навоий кўчаси бўйлаб бошқа транспорт воситаларининг ҳаракати давом этган.
Сўнгги бир неча йилдан бери Тошкент шаҳрида йўловчи автобусларнинг ёниб кетиши ҳолатлари тез-тез рўй бермоқда. Хусусан, 2013 йили март ва июнь ойларида, 2014 йили 5 май, 24 июнь, 14 июль, 1 декабрь, 15 декабрь кунлари, 2015 йили 18 март, 30 апрель, 15 май, 29 май, 20 июль кунлари Mercedes-Benz автобуслари ёниб кетди.
Қайд этиш жоиз, автобуслардаги ёнғин ҳолатларининг сабаблари юзасидан «Тошшаҳартрансхизмат» вакиллари бир, икки, уч ва камида тўрт марта изоҳ берган.
Изоҳ (0)