«Касперский Лабoраторияси» маълумотларига кўра, сўнгги 12 ой ичида товламачи дастурлар ҳужумига учраган фойдаланувчилар сони 1,7 марта ўсган, дея хабар бермоқда «Infocom.uz». Ўзбекистон ушбу хавф билан тўқнаш келган мамлакатлар ўнлигида 8-ўринни эгаллади.
Бундай дастурлар қурилманинг нормал ишини блоклаб ёки фойдаланувчи маълумотларини шифрлаб қўйиб, унга кириш имкониятини қайта тиклаш учун фойдаланувчидан пул тўлашни талаб қилади. Тўғридан-тўғри молиявий фойда келтирувчи ушбу хусусияти туфайли у ёвуз ниятли кишилар орасида оммабопдир.
Android-қурилмалар учун биринчи товламачи дастур 2014 йилдагина пайдо бўлди, 2015 йилда эса бундай дастурлар иштирокидаги барча ҳужумларнинг 17 фоизи айнан шу мобил платформага тўғри келди. Бундан ташқари, ўтиб бораётган йилда Linux учун биринчи товламачи дастур аниқланди.
Энг кўп ўсиш шифрловчи дастурларда кузатилди — 2015 йилда улар билан ўтган йилгига нисбатан 1,5 марта кўпроқ фойдаланувчилар тўқнаш келди.
Изоҳ (0)