Татаристон пойтахти Қозондаги «Корстон» мемонхонасидаги хоналардан биридан 44 ёшли аёлнинг ўлиги топилди. Жиноятни содир этишда гумон қилиниб, аёлнинг 19 ёшли ўғли қўлга олинди. Бу ҳақда «Вести» хабар бермоқда.
Дастлабки маълумотларга кўра, 10 декабрь куни аёл ўғли билан Москвадан Қозонга тренингда қатнашиш учун келган. Шу куни кечки пайт меҳмонхонада яшаётганлардан бири йўлакда кийимида қон излари бўлган гумонланувчини кўрган ва меҳмонхона ходимларини чақирган. Улар хонада юзи қонталаш, танасида бўғиш аломатлари бўлган жасадга дуч келган. Аёл қувватлантирувчи қурилма сими билан бўғилган бўлиши мумкинлиги билдирилмоқда.
LifeNews маълумотларига кўра, фожиа миллиардер, «Старик Хоттабич» дўконлар тармоғи эгаси ва OBI акциядори Игорь Сосиннинг собиқ оиласида содир бўлган. Қотилликда унинг 19 ёшли ўғли Егор гумон қилинмоқда. Унинг онаси билан миллиардер бир неча йил аввал ажрашган.
Егор терговчиларга онаси билан Москвадан Қозонга даволаниш учун келгани, у берган дорилар туфайли ҳуши ўзида бўлмагани, қандай қилиб онасини ургани ва бўғганини эслолмаслигини ҳикоя қилган. Тергов қўмитасининг республика бошқармаси ходимлари фожианинг барча сабаб ва тафсилотларига ойдинлик киритишга киришди.
Изоҳ (0)