Россия қуролли кучлари Бош штаби бошлиғи Валерий Герасимов «Озод Сурия армияси» бўлинмаларига қурол-аслаҳа етказиб берилаётганини тасдиқлади. Бу ҳақда Meduza хабар бермоқда.
«Россия Федерацияси ҳукумат қўшинлари ва Сурия мухолифати тузилмаларининг террорчиларни тор-мор этиш бўйича уринишларини бирлаштиришга ҳаракат қилмоқда. Мухолифатга қурол-яроғ, ўқ-дори ва моддий воситалар билан ёрдам кўрсатилмоқда», — дея таъкидлаган Герасимов.
Бош штаб бошлиғининг айтишича, беш минг кишидан зиёд «Озод Сурия армияси» қисмлари Хомс, Хама, Алеппо ва Ракка вилоятларида террорчиларнинг марраларига ҳужум қилмоқда. Уларни қўллаб-қувватлаш учун Россия авиацияси ҳар куни 30—40 та авиазарба бермоқда.
Изоҳ (0)