Покистонда қотиллиги учун олий жазога ҳукм этилган саккиз нафар маҳбус қатл этилди. Бу ҳақда Express Tribune манбаларига таяниб, «РИА Новости» хабар берди.
«Мўлтон, Бахавалпур ва Гужаротда икки нафардан, Аттока ва Дера Ғози Хонда бир нафардан маҳбус осиш орқали қатл этилди», — дея маълум қилган Панжоб вилояти қамоқхоналар иши вазирининг маслаҳатчиси Чоудхри Аршад Саид.
2014 йил, 16 декабрда содир бўлган Пешовардаги мактабга ҳужумдан сўнг (мазкур терактда 150 дан зиёд киши ҳалок бўлган) Покистонда ўлим жазоси тикланди. Олдинига фақат терроризмда айбланган жиноятчилар қатл этилди, бироқ мартдан бошлаб олий жазо барча оғир жиноятларга нисбатан қўлланиладиган бўлди.
Покистон қатл этилганлар сони бўйича расмий статистикани эълон қилмайди, аммо ҳуқуқ ҳимоячилари маълумотига кўра, бугунги кунга келиб уларнинг сони 300 кишини ташкил этмоқда.
Изоҳ (0)